Loading...
Forsíða2026-04-17T11:50:11+00:00

Dómkirkjan, þessi fagra bygging í hjarta borgarinnar, var vígð 1796, stækkuð og færð í núverandi horf um miðja 19. öld. Á árunum 1999-2000 hlaut hún vandaða endurbyggingu undir leiðsögn Þorsteins Gunnarssonar arkitekts. Dómkirkjan er ekki einungis sóknarkirkja, heldur er hún kirkja biskups, Alþingis og með sérstökum hætti allra þjóðarinnar. Hún er einstök þjóðargersemi.

Skráning í fermingu fyrir 2027.

Þú getur skoðað Dómkirkjuna í þrívídd eða í sýndarveruleika.

Hægt er að leigja safnaðarheimili Dómkirkjunnar fyrir athafnir og samkomur.

Fréttir

Á hvítasunnudag klukkan 11.00 er fermingarmessa í Dómkirkjunni. Guð blessi fermingarbörnin og fjölskyldur þeirra. Dómkórinn í Reykjavík leiðir safnaðarsönginn, Matthías dómorganisti og sr. Sveinn og Elínborg þjóna. Karl Sigurbjörnsson skrifaði þessi góðu orð um fermingun: Fermingin hefur um aldir verið mikilvægur þáttur í trúarlífi og samfélagi okkar. Fyrrum fylgdu ýmis borgaraleg réttindi fermingunni en það er löngu liðin tíð. Flestum finnst samt sem áður að fermingin sé ómissandi hátíð sem marki skil bernsku og unglingsára. Fermingin er reyndar eina hátíðin í okkar samfélagi sem snýst um unglinginn sérstaklega. Fjölskyldan og vinir fagna með og yfir fermingarbarninu, þakkar þá gæfu og gjöf sem það er og hefur verið og treysta jafnframt heit sín að styðja það og leiða á þroskabraut og gæfuvegi. Þakklætið og kærleikurinn sem umvefur barnið á sér dýpri vídd og skýrskotun, vegna þess að það er þökk og gleði yfir Lífinu, sem við þiggjum úr hendi Guðs. Í þeirri hendi erum við aldrei ein. Fermingin er áminning um og staðfesting þess að unglingurinn tilheyrir samfélagi sem er meir en blóðbönd og vinatengsl, samfélag kristninnar sem umlykur fortíð og framtíð í óslitinni keðju kynslóðanna í þúsund ár í landinu okkar. Það er sterk keðja, tengd saman af bæn og kærleika, trú og von. Orðið ferming merkir staðfesting. Fermingin er staðfesting þess að viðkomandi er skírður og vill játast því og staðfesting kirkjunnar á því að hinn skírði hafi hlotið uppfræðslu í grundvallaratriðum trúarinnar. Fermingarbarnið játar trúna, þiggur fyrirbæn og blessun til áframhaldandi lífsferðar sem samverkamaður Guðs í heiminum. Guð blessi fermingarbörnin öll og fjölskyldur þeirra á mikilvægum tímamótum.

19/05/2026|

Góð vika framundan og fallegur sólskindagur í dag. Laudes- morgunsöngur kl. 9. 15 á morgun, þriðjudag. Bæna- og kyrrðarstund kl. 12.00. Mælum með að gefa sér stund frá amstri dagsins og njóta í helgidómnum. Léttur hádegisverður og gott samfélag í safnaðarheimilinu eftir stundina. Á morgun ætlar Kirkjunefnd kvenna Dómkirkjunnar að borða saman og fara síðan á tónleika Ólafs Elíassonar kl. 20.00 í Dómkirkjunni. Skráning í matinn hjá formanni kirkjunefndar Eddu Einarsdóttur edda@ark.is Öll þriðjudagskvöld klukkan 20.00-20.30 eru Bach tónleikar. Ólafur Elíasson leikur prelódíur og fúgur á nýja Dómkirkjuflygilinn. Á miðvikudaginn er morgunsöngur kl. 9.15. Velkomin!

18/05/2026|

Kirkjan er opin alla virka daga frá 10 til 14

Viltu vera vinur Dómkirkjunnar? Þá getur þú lagt styrk inn á reikning sóknarinnar.        Banki: 513-26-3565.  Kt. 500169-5839.

Viltu styrkja tónlistarsjóð Dómkirkjunnar?        Banki: 358-22-1350. Kt. 500169-5839.

Allt árið um kring eru messur á sunnudögum kl. 11:00 sem og bænastundir á þriðjudögum kl. 12:00.

Bach tónleikar öll þriðjudagskvöld kl. 20:00 – 20:30.

Dómkirkjan í Reykjavík
Kirkjustræti, 101 Reykjavík
Kennitala: 500169-5839
Netfang: domkirkjan@domkirkjan.is
Sími: 520-9700

Síður

© 2026 Dómkirkjan í Reykjavík | Allur réttur áskilinn